Ho Hmad Yeh Ruh Hamesha

Ho hamd-e-rukh yeh hamesha mere qalam ki seedhi Dil-o-nazar rahein daaim mere haram ki seedhi

More Lyrics, Less Storage - Install the App and Ditch the Screenshots!

Hujoom-e-khwahishon ke, qafiley gumanon ke Rawaan sada se hain us shehar-e-mohtaram ki seedhi

Ho ustawaar isi rukh pe mere qalb-o-nazar Rawaan dawaan rahein gehwara-e-niam ki seedhi

Woh jis ke naqsh se yeh khakdaan musharraf hai Khamosh chalta chala ja toh us qadam ki seedhi

Rakh us ke khauf mein, girya-sha'ar aankhon ko Hai baab-e-maghfirat Aaqa ﷺ ka chashm-e-nam ki seedhi

Hain tez-gaam sabhi nek-kaar isyaan-kaar Hujoom-e-hashr mein Sarkar ﷺ ke alam ki seedh

Jabillatein rahein taabi' Nabi ﷺ ke uswah ki Har ek amal ho hamara Shah-e-Umam ki seedh

Azal ke din se meri raast mustaqeem hai rooh Dayaar-e-mehr ki aur qaryat-e-karam ki seedh

Mashaam-o-basirah-o-saame'ah-o-laamah sab Riazؔ ke rahein Quran ﷺ-e-zi-hasham ki seedh