Ghair Mumkin Hai Ata

Ghair mumkin hai ata mein yahan takheer ki baat Mukhtalif dahr se dehleez-e-zaman-geer ki baat

Bhari deewan se' jo maqbool ho ek misra bhi Nahin tadaad ki' yeh saari hai taseer ki baat!

Kaisa dar jood-o-sakha ka hai ke daryuza garo! Khwab se pehle yahan hoti hai tabeer ki baat

Stop Wasting Storage - Download Lyrics in Lightweight Text Format!

Un gali koochon ki khaak aaina hai jannat ka Yahan karti hai hawa khuld ki tasveer ki baat

Un ﷺ ki baaton mein hain asrar-e-jahan-bani ke Un ﷺ ki seerat mein hai aqwam ki tameer ki baat

Ek maqbool salam' ek sarfaraz durood! Khubi-e-bakht ki zebai-e-taqdeer ki baat!

Sarsari jaan na is zauq-e-sana-kari ko Hai yeh taz'eem ki' takreem ki' tauqeer ki baat

Nahin alfaaz se anwar ka mumkin izhaar Khaak se kya ho bayan sarmadi tanveer ki baat

Un ki nisbat hai Riaz aaina nasl-dar-nasl Az azal ta-ba-abad noor ki zanjeer ki baat