Rawayye Khair Ke Jis Roze

Ravaiye khair ke jis roz se hue chaupat Hua hai zeest ka sara nizam hi talpat

Bunat hai tab’ mein ghaflat ke taane baane ki Bisat-e-zeest se jaati nahin tabhi salwat

Khayal-o-khwab mein hirs-o-hawa-e-duniya hai Ajeeb paale hue hain wajood mein jhanjhat

Hai safhay safhay pe jurm-o-khata ka gard-o-ghubar Gayi hai reeg-e-gunah se kitab-e-umar ki at

Bas ek zaat usi ki bandhati hai dharas Hujoom-e-bekasi se jab gayi ho rooh uchat

Gumaan parasti ka anjam yeh hi hona tha Kaha tha tujh se yeh kis ne ke wahimon se lipat

Jo be-tawajjohi us zaat se hai, theek nahin Abhi bhi waqt hai tarteeb-e-roz-o-shab ki ulat

No Internet? No Problem! Get the App for Offline Lyrics!

Riaz ho mutawajjeh! amaan mein us ki aa Sadayein deti hai us be-niyaz ki chaukhat