Hai Madine Ki Rahguzar Ki Talab

Hai Madine ki rahguzar ki talab Tere mehboob ke hai ghar ki talab

More Lyrics, Less Storage - Install the App and Ditch the Screenshots!

Meri darmandagi ko hashr mein hai Unؐ ki rahmat bhari nazar ki talab

Bhool jaaun na hirs-e-duniya mein Rag-e-jaan se qareeb-tar ki talab

Ek midhat karoon mukammal jab Rahe phir midhat-e-digar ki talab

Shan-e-shayan jo teri hamd ke hon Hai un alfaaz-e-mu'tabar ki talab

Jahan maqbool hamd-go hon muqeem Khuld mein hai ek aise ghar ki talab

Raa'yegan sa'i-e-fan na jaaye rahe Sadaf-e-lafz ko gauhar ki talab

Na daraaye siyah qabr ki raat Rahe firdous ki sahar ki talab

Khwahish-e-ikhlaas ki hai likhne mein Aur kahe mein Riazؔ asar ki talab