Hai Madine Ki Rahguzar Ki Talab

ہے مدینے کی رہگزر کی طلب تیرے محبوب کے ہے گھر کی طلب

میری درماندگی کو حشر میں ہے اُنؐ کی رحمت بھری نظر کی طلب

بھول جاؤں نہ حرص دنیا میں رگِ جاں سے قریب تر کی طلب

ایک مدحت کروں مکمل جب رہے پھر مدحتِ دگر کی طلب

شانِ شایاں جو تری حمد کے ہوں ہے اُن الفاظِ معتبر کی طلب

جہاں مقبول حمد گو ہوں مقیم خلد میں ہے اک ایسے گھر کی طلب

رائیگاں سعئ فن نہ جاۓ رہے صدف لفظ کو گہر کی طلب

Offline Lyrics Anytime, Anywhere - Download the App Today!

نہ ڈراۓ سیاہ قبر کی رات رہے فردوس کی سحر کی طلب

خواہش اخلاص کی ہے لکھنے میں اور کہے میں ریاضؔ اثر کی طلب