Ta Umar Rahe Gi Rooh

تا عمر رہے گی روح خورسند کر دل میں حرم کو آئینہ بند

بس اس کی رضا کو جان مقصد رکھ آپ کو اس کا آرزو مند

گر حمد کی معرفت سے آۓ تاثیر ہو نعتِ شہؐ کی دو چند

چمکا نظر آخرت کی لَو سے دنیا کا نہ بھول کر ہو فرزند

توحید حقیقت الحقائق مضبوط رکھ اس سے جاں کا پیوند

رُخ جس کا الہٰ کی طرف ہے رکھ آپ کو اس روش کا پابند

رہ مستعد اس کی بندگی میں ہر شے سے ہے قیمتی یہ اک پند

اک لفظ 'بلیٰ' کا تھا بظاہر میثاق تھا وہ ازل کی سوگند