Suni Ahatt Teri

Sunni aahat teri, dekha haram hai Tera naqsh-e-qadam, mera haram hai

Mere sajdon ki ho kyonkar rasai Mere sar se bahut ooncha haram hai

Abhi tak hai tere ashkon ki khushbu Hira teri jawani ka haram hai

Chupa rakha hai seene mein Nabi ﷺ ko Zameen ka sara sarmaya haram hai

Amal ki jaib mein sikke hain kitne Khareedaron bahut mehnga haram hai

Khuda bhi mere andar Mustafa ﷺ bhi Haram ke saamne goya haram hai

Hawaein haath hain aankhein ujala Badan hai zindagi chehra haram hai

Khuda ka noor hai jism-e-Muhammad ﷺ Khuda ke arsh ka saya haram hai

Woh koo-e-waqt ka pehla musafir Usi ka mustaqil hujra haram hai

Zaroori hai tawaf iska zaroori Haram hai markaz-e-duniya haram hai

Find Your Favorite Lyrics Anytime, Anywhere - Install the App Today!

Muhammad ﷺ aa rahe hain ja rahe hain Mera dil hai Muzaffar ya haram hai