Sada Sakinat Asar Ho Darood Ki Tasbeeh

Sada sakeenat asar ho durood ki tasbeeh Khizr ki umr ho aur chob-e-ood ki tasbeeh

Ba’eed kya teri rahmat se tu jo de taufeeq Ho har namaz ke saath ik durood ki tasbeeh

Zabaan ka wird ho Subhan Rabbi al-Aala Ho chalte phirte zabaan par sujood ki tasbeeh

Hon us ke saath hum-ahang dhadkanen dil ki Ruku ki ho ya woh ho qu’ood ki tasbeeh

Never Be Without Your Favorite Lyrics - Get the App for Offline Access!

Ho dil ki nabz ki saanson ki khoon ki gardish ki 'Ahad Ahad' ho tamami wujood ki tasbeeh

Ho poora zikr par-diya khuloos-e-niyyat mein Na ho tasannu na naam-o-namood ki tasbeeh

Ho murda dil mera, bedaar aur zinda koi Gharoob-e-ghaflat o rad-e-jumood ki tasbeeh

Gira raha hai shab-o-roz daana daana woh Hai do-teh waqt mein jo hast-o-bood ki tasbeeh

Sitaray kahkashaan hain jis ke daanay Riaz Hai hast roshni ke taar-o-pood ki tasbeeh