Rahat Afza Ajab Hai Zikr Tera

Rahat-afza ajab hai zikr tera Maghfirat ka sabab hai zikr tera

Zeenat-e-nutq, tera ism-e-azeem Wajah-e-tehreek-e-lab hai zikr tera

Waqt ke haath mein teri tasbeeh Gardish-e-roz-o-shab hai zikr tera

Download Lyrics & Access Offline - Install Our App Now!

Bandagi, hilm, aagahi, eesaar Dekha jaaye to sab hai zikr tera

Bebasi ki siyah raaton mein Roshni ka sabab hai zikr tera

Jis ka ehsa kare zabaan-e-bashar Itna mehdood kab hai zikr tera

Tere irshaad se hua maloom Zikr-e-Shah-e-Arab hai zikr tera

Jis ko nisbat hai tere pyaaron se Us zameen ka adab hai zikr tera

Fikr-e-Shahzad ke liye laareeb Baais-e-taab-o-tab hai zikr tera