Rahat Afza Ajab Hai Zikr Tera

راحت افزا عجب ہے ذکر ترا مغفرت کا سبب ہے ذکر ترا

زینتِ نطق، تیرا اسمِ عظیم وجہِ تحریکِ لب ہے ذکر ترا

وقت کے ہاتھ میں تری تسبیح گردشِ روز و شب ہے ذکر ترا

بندگی، حلم، آگہی، ایثار دیکھا جائے تو سب ہے ذکر ترا

Never Be Without Your Favorite Lyrics - Get the App for Offline Access!

بے بسی کی سیاہ راتوں میں روشنی کا سبب ہے ذکر ترا

جس کا احصا کرے زبانِ بشر اتنا محدود کب ہے ذکر ترا

تیرے ارشاد سے ہوا معلوم ذکرِ شاہِ عرب ہے ذکر ترا

جس کو نسبت ہے تیرے پیاروں سے اس زمیں کا ادب ہے ذکر ترا

فکرِ شہزاد کے لئے لاریب باعثِ تاب و تب ہے ذکر ترا