Radeef o Kafia Se Main

Radeef-o-qaafiya se main ne ki hai hamd kasheed Khusha! Yeh sadqa-e-unhi ﷺ laqab, Riaz Majeed

Woh khush hai tujh se toh hai washgaaf tujh pe jahaan Raza hai us ki har ik ganj-e-ma'rifat ki kaleed

Gawah dhadkanein dil ki, tere karam ki hain Har ek saans kare tere lutf ki tajdeed

Bayaan kya karein? Wa hasrata! hazaar afsos Jo umar zaaya gayi us pe ab qalaq hai shadeed

Kare ga paas tu kuch meri khush-gumaani ka Ke teri rehmat-e-behad se main nahin na-umeed

Tu mujh ko hashr ke din bakhsh de baghair-e-hisaab Mere Kareem! Yeh tere karam se kya hai ba'eed!

Ho mera bakht, shafa'at-e-Rasool-e-Rehmat ki Yeh meri awwalin khwahish, yeh aakhri umeed

Tu mujh ko hashr ke din bakhsh de baghair-e-hisaab Mere Kareem! Yeh tere karam se kya hai ba'eed

Ho mera bakht, shafa'at-e-Rasool-e-Rehmat ki Yeh meri awwalin khwahish, yeh aakhri umeed

Khusha naseeb ho jannat mein daakhle ka din Hazaaron eidon se us roz badh ke hogi eid

Never Be Without Your Favorite Lyrics - Get the App for Offline Access!

Bhali hai in dinon hub-e-parwaron ke halqe mein Mu'amalaat-e-sana par Riaz guft-o-shaneed