Pathar Mein Tere Fazal Ne Paude Uga Diye

Patthar mein tere fazl ne paude uga diye Tere karam ki mauj ne murde jila diye

Kya kya nawazishein hain teri jahan par Bandon pe naat ke khazane luta diye

Phoolon, phalon se bakhsh di zeenat zameen ko Mehr-o-mah-o-nujoom falak par saja diye

Find Your Favorite Lyrics Anytime, Anywhere - Install the App Today!

Tab-e-bashar ka un se ta'alluq hai is liye Mausam ye sard garm Khuda ne bana diye

Dawat hai ghaur-o-fikr ki takhleeq-e-roz-o-shab Qudrat ke raaz arz-o-sama mein chhupa diye

Ahl-e-nazar ko bakhsh kar apni raza ka shauq Un ko husool-e-qurb ke nuskhe bata diye

Fath-o-zafar hai tere sipahi ke sar ka taaj Batil ke teerhi fauj ne chhakke chhuda diye

Bakhsha hai tu ne naat ka Shahzad ko hunar Tu ne hi is ko hamd ke mazmoon sujha diye