Nigah Dunya Lagay Gi

Nigah-e-dunya lage gi, dunya haram lage gi Karo ge jitni Khuda ki tareef, kam lage gi

Rakhein ge apni jabeen jo sajday mein us ke aagay To khud hamein apni haisiyat mohtaram lage gi

Mitao ge bhook kis tarah zindagi ki aakhir Talash-e-parwardigar, khaali shikam lage gi

Karein ge har haal mein jo shukar us ka us ke banday Zayadti-e-jahan bhi us ka karam lage gi

Qaseeda-e-hamdiya mein us shaan se likhoon ga Dawat aansu lagein ge, shah-rag qalam lage gi

Jo us ki khushnudiyon ko pesh-e-nazar na rakkha Tabassumon ki lakeer bhi mauj-e-gham lage gi

Karein ge inkaar hum agar yaum-e-aakhirat ka Wujoodiyat bhi barabri-e-adam lage gi

Get Lyrics On-The-Go! Download Our App Now!

Amal ke sikkay agar wahan chal gaye Muzaffar To yeh raqam hum ko sab se bhaari raqam lage gi