Nigah Dunya Lagay Gi

نگاہ دنیا لگے گی دنیا حرم لگے گی کرو گے جتنی خدا کی تعریف کم لگے گی

رکھیں گے اپنی جبیں جو سجدے میں اس کے آگے تو خود ہمیں اپنی حثیت محترم لگے گی

مٹاؤ گے بھوک کس طرح زندگی کی آخر تلاشِ پروردگار، خالی شکم لگے گی

کریں گے ہر حال میں جو شکر اس کا اس کے بندے زیادتیِ جہاں بھی اس کا کرم لگے گی

قصیدہ حمدیہ میں اس شان سے لکھوں گا دوات آنسو لگیں گے شہ رگ قلم لگے گی

جو اُس کی خوشنودیوں کو پیش نظر نہ رکھّا تبّسموں کی لکیر بھی موجِ غم لگے گی

Stop Wasting Storage - Download Lyrics in Lightweight Text Format!

کریں گے انکار ہم اگر یوم آخرت کا وجودیت بھی برابریِ عدم لگے گی

عمل کے سکّے اگر وہاں چل گئے مظفر تو یہ رقم ہم کو سب سےبھاری رقم لگے گی