Mujhe Bakhsh De

Mujhe bakhsh de be-sabab Ya Ilahi Na karna kabhi bhi ghazab Ya Ilahi

Gunahon ne haye! kahin ka na chhora Main kab tak phirun khwar ab Ya Ilahi

Paye Shah-e-Batha meri chhoot jaayen Buri aadatein sab ki sab Ya Ilahi

Bara Hajj pe aane ko jee chahta hai Bulawa ab aayega kab Ya Ilahi

Main Makkah mein aaun Madinah mein aaun Bana koi aisa sabab Ya Ilahi

Main dekhun Madinah ka gulshan dikha de Tu dasht-o-jibal-e-Arab Ya Ilahi

Karam aisa kar de Madinah mein aa kar Guzarun mein phir roz-o-shab Ya Ilahi

Dikha de bahar-e-Madinah dikha de Paye Tajdar-e-Arab Ya Ilahi

Saliqa shi'ari ka main hoon bhikari Mitay khooye shor-o-shaghab Ya Ilahi

Milay be-qarari karun aah-o-zari Tere khauf se pyare Rabb Ya Ilahi

Free Up Space - Get Lyrics Without Bulky Screenshots!

Karun aalamon ki kabhi bhi na tauheen Bana de mujhe ba-adab Ya Ilahi

Husain Ibne Haidar ke sadqay mein Mawla Talain aafatain meri sab Ya Ilahi

Zamanay ki fikron se aazad kar de Mita gham ata kar tarab Ya Ilahi

Jo manga woh de mujh ko woh bhi ata kar Nahi kar saka jo talab Ya Ilahi

Musalman musalman ke khoon ka pyasa Hua waqt aaya ajab Ya Ilahi

Sabhi ek ho jayen imaan wale Paye Shah-e-Aali Nasab Ya Ilahi

Kabhi to mujhe khwab mein mere Mawla Ho deedar-e-Mah-e-Arab Ya Ilahi

Khudaya buray khatmay se bacha le Gunahgar hai jaan ba-lab Ya Ilahi

Nazar mein Muhammad ﷺ ke jalway basay hon Chalun is jahan se main jab Ya Ilahi

Pas-e-marg ho roz-e-roshan ki manind Meri qabr ki teera shab Ya Ilahi

Gunahon se Attar ko de muafi Karam ho, na karna ghazab Ya Ilahi