Meri Ya Rab Muhafizat Farma

میری یا رب ! محافظت فرما خلد اسلوب آخرت فرما

چاہۓ حمد میں گداز اگر اہلِ حب سے مصاحیت فرما

کر ہوا سے صلاح اے دل ! تو پانیوں سے مشاورت فرما

کوئی آتا نہیں مدد کو اگر خاک سے کہہ' معاونت فرما

Why Screenshot When You Can Download? Get the App for Efficient Storage!

ربّ ارحم سے التجا ہے' معاف میری ہر ایک معصیت فرما

کر کرم اپنا' پہلے سے مضبوط دوستوں میں یگانگت فرما

یہ سب آپس میں لڑتے رہتے ہیں رہبروں میں مصالحت فرما

لفظ و معنی میں بڑھ گئی ہے خلیج ان میں پیدا مطابقت فرما

نادم آیا ہے تیرے در پہ ریاضؔ تو قبول اس کی معذرت فرما