Ta Hadd Aqal Phaila Hua Hai

تا حدّ عقل پھیلا ہوا ہے زمانِ حمد ہر اک مکاں کے بعد ہے اک لامکانِ حمد

ہر آن ہو رہا ہے کچھ ایسے بیانِ حمد ہر چیز کائنات کی ہے اک جہانِ حمد

یوں نعت کے جلو میں چلے کاروانِ حمد ہو نعت کے سفینے پہ جب بادبانِ حمد

مولا کرم ہو' گری محشر میں جا ملے زیر لواۓ حمد' تہہِ سائبانِ حمد

تسبیح کے تسلسل خاموش سے بھری بے صوت گونجتی ہے خلا میں اذانِ حمد

دیوان حمد زار ہے میرا مثالِ خلد اترا ہے ہر زمین پہ اک آسمانِ حمد

خوش طالعی پہ کیوں نہ کرے ناز حمد گو اللہ کا رسول ہو جب قدردانِ حمد

جو شے ہے آسماں میں' جو شے ہے زمین میں تسیح خواں ہے وہ تری اے مہربانِ حمد

ہیں آپؐ کا تلازمہ ہر شعر میں ریاضؔ آۓ خیالِ نعت نہ کیوں درمیانِ حمد