Meri Nazar Mere Dil

Meri nazar mere dil meri jaan ka maalik tu Mere sukoot ka mere bayaan ka maalik tu

Mujhe to lamha-e-aaindah ka bhi ilm nahi Nishaan ki tujh ko khabar, be-nishaan ka maalik tu

Qadam qadam teri taufeeq, reh-numa meri Reh-e-yaqeen se guzarte gumaan ka maalik tu

Adam wajood teri raah ke musafir hain Jahan koi nahi pahuncha wahan ka maalik tu

Bohat qareeb se dekha hai tujh ko sajde mein Namaz tere liye hai azaan ka maalik tu

Teri raza ke baghair ek saans na-mumkin Meri "nahi" tere qabze mein "haan" ka maalik tu

Barasti aankh ke peeche ghataaein hain teri Dilon mein bikhri hui kehkashaan ka maalik tu

Tere khayal se aabad meri tanhai Ragon mein chalte hue karwaan ka maalik tu

Never Be Without Your Favorite Lyrics - Get the App for Offline Access!

Tamaam rang bhare kaainaat mein tu ne Khushi ka ranj ka sood-o-ziyaan ka maalik tu