Meri Muhabat Mera Hawala

Meri mohabbat mera hawala Rab hai Rab Ghar hoon main aur us ka ujala Rab hai Rab

Mayoosion mehroomon girte parton ka Dam dharas umeed sambhala Rab hai Rab

Anjamon se bhi aage us ka aaghaz Sochon ki unchai se bala Rab hai Rab

Ehsaas-o-jazbaat ka rabta rakh us se Dukh ki boli samajhne wala Rab hai Rab

Subhan Rabbi al-Azeem hai us ki zaat Aur Subhan Rabbi al-A'ala Rab hai Rab

Meri rooh mein dil mein zehan mein aankhon mein Jis ki roshniyon ka hala Rab hai Rab

Free Up Space - Get Lyrics Without Bulky Screenshots!

Jitni tareefein ki jaayein kam hain kam Jis ne paida kiya aur pala Rab hai Rab

Pehnoon odhoon usay Muzaffar sirf usay Meri pagri mera doshala Rab hai Rab