Mere Khuda Teri Janib

Mire Khuda teri janib khushi se aaya hoon Ke main Madinah-e-ishq-e-Nabi se aaya hoon

Wajood jis ka tere noor se ibadat hai Main saya hoon magar us roshni se aaya hoon

Utho, adab se farishto, mujhe salam karo Muhammad-e-Arabi ﷺ ki gali se aaya hoon

Instant Access to Thousands of Lyrics - Tap to Install!

Suna hai hashr mein deedar-e-Mustafa hoga Isi liye to badi aajizi se aaya hoon

Gunah, ghaat mein rehte hain aadmi ki jahan Main us shikar gah-e-zindagi se aaya hoon

Mujhe na aur pashiman, mire Khuda karna Ke pehle hi badi sharmindagi se aaya hoon