Mere Azkar Ka, Amaal Ka

Mere azkaar ka, aemaal ka, guftaar ka rukh Teri jaanib rahe ya Rab! mere izhaar ka rukh

Raha hai tere ghulamon hi ki dehleez ki simt Har takabbur zada ke turra-e-dastaar ka rukh

Sa'y-e-fun ho meri sab teri satayish hi mein sarf Ho teri hamd ki jaanib mere ashaar ka rukh

Why Screenshot When You Can Download? Get the App for Efficient Storage!

Hashr ke din rahe mujh aise khata-kaar ki simt Izn se tere mere Shafi-e-karam ﷺ ka rukh

Ho ujaala meri sochon ka hawala tera Usi nisbat se ho roshan mere izhaar ka rukh

Hain kurray jitne, tawajo se teri qaim hain Teri hi simt ko daaim hai sab adwaar ka rukh

Rahe ta-umar faqat teri raza ki jaanib Mere ahwaal ka, aadaat ka, atwaar ka rukh

Kyun na woh qafila-e-farkhanda muqaddar ho ke jab Jaanib-e-ik-ik ke ho qafila-salaar-e-do-jahan ﷺ ka rukh

Apne har ummati ki simt ho mehshar mein Riazؔ Shafi-e-hashr ﷺ ka chehra, Shah-e-abrar ﷺ ka rukh