Main Makke Mein Phir Aa Gaya

Main Makkah mein phir aa gaya Ya Ilahi Karam ka tere shukriya Ya Ilahi

Your Lyrics, Even Offline - Install the App for Free!

Na kar rad koi iltija Ya Ilahi Ho maqbool har ik dua Ya Ilahi

Rahe zikr aathon pahar mere lab par Tera Ya Ilahi tera Ya Ilahi

Meri zindagi bas teri bandagi mein Hi ae kaash guzre sada Ya Ilahi

Na hon ashk barbaad duniya ke gham mein Muhammad ﷺ ke gham mein rula Ya Ilahi

Ata karde ikhlas ki mujh ko nemat Na nazdeek aaye riya Ya Ilahi

Mujhe auliya ki mohabbat ata kar Tu deewana kar Ghaus ka Ya Ilahi

Main yaad-e-Nabi mein rahoon gum hamesha Mujhe un ke gham mein ghula Ya Ilahi

Mere baal bachon pe saare qabile Pe rahmat ho teri sada Ya Ilahi

De Attariyon balkay sab sunniyon ko Madine ka gham ya Khuda Ya Ilahi

Khudaya ajal aake sar par khari hai Dikha jalwa-e-Mustafa Ya Ilahi

Meri laash se saanp bichhoo na liptein Karam az tufail-e-Raza Ya Ilahi

Tu Attar ko sabz gumbad ke saaye mein Karde shahadat ata Ya Ilahi