Karein Tere Hi Naam Ki Tasbeeh

Karein tere hi naam ki tasbeeh Adam ؑ o Nuh ؑ o Ibrahim ؑ o Maseeh

Manzil-e-hamd kis ne sar ki hai Gung is rah mein dehr bhar ke faseeh

Jo zameen mein, jo aasmaan mein hai shay Karti hai tere naam ki tasbeeh

Sab zabaanon mein jitne lafz hain woh Kya karein teri zaat ki tashreeh

Sirf hairat hai shash jahat hairat Taab-e-tauzeeh ne dam-e-tasreeh

Find Your Favorite Lyrics Anytime, Anywhere - Install the App Today!

Dambadam teri kilk-e-rehmat se Meri fard-e-amal ki ho tasheeh

Tera saara nizaam-e-maujoodaat Kitna be-nuqs, ujla aur saheeh