Jurm Mere Hazar Ya Ghafar

Jurm mere hazar Ya Ghaffar! Reham tera shiar Ya Ghaffar!

Kar na paye ga koi paimana Tere ehsan shumar Ya Ghaffar!

Main hoon ek abd-e-be-nawa tera Tu hai Parwardigar Ya Ghaffar!

Your Lyrics, Even Offline - Install the App for Free!

Teri rehmat se hai farishton mein Aadmi ka waqar Ya Ghaffar!

Matla-e-jaan se ab utaar hi de Khwahishon ka ghubaar Ya Ghaffar!

Aajizi abd ka labada hai Kibr tera izaar Ya Ghaffar!

Nafs ko bada-e-taghaful ka Charh na jaye khumar Ya Ghaffar!

Main hoon beem-o-raja ki kashti mein Paar mujh ko utaar Ya Ghaffar!

Tere jood-o-sakha pe palte hain Muflis-o-tajdar Ya Ghaffar!

Kash ho Toor ek tajalli se Qalb-e-teera-o-taar Ya Ghaffar!

Bagh-e-irfan mein rahe Shahzad Misl-e-bad-e-bahaar Ya Ghaffar!