Jurm Hain Be Hisab Ya Tawab

Jurm hain be-hisab Ya Tawwab Khol bakhshish ka baab Ya Tawwab

Pyaas bujh jaaye kisht-e-batin ki Bhej aisa sahab Ya Tawwab

Bakhsh taskeen qalb ko mere Door ho iztirab Ya Tawwab

Sun sada "Rabbana zalamna" ki Bakhsh be-ihtisab Ya Tawwab

Aankh nam hai jabeen-e-arq-aalood Qalb hai aab-e-aab Ya Tawwab

Instant Access to Thousands of Lyrics - Tap to Install!

Tere lutf-o-karam ke darya se Main rahoon faizyab Ya Tawwab

Mere aibon pe daal de parda Taal saare azaab Ya Tawwab

Teri rehmat bana bhi deti hai Maasiyat ko sawab Ya Tawwab

Jis ko Tu khud sanwarna chaahe Woh ho kaise kharab Ya Tawwab

Mujh ko khugar bana ita'at ka Bakhsh Ilm-ul-Kitab Ya Tawwab

Tu hai Arham tera Rasool Raheem Hoga kis par itaab Ya Tawwab?

Dil se nikli hai soz-o-dard ke saath Ho dua mustajab Ya Tawwab

Zulmat-e-jaan ko noor kar ae Noor! Ho haqeeqat ye khwab Ya Tawwab

Qurb Shahzad ko nawaaz apna! Ab utha de hijaab Ya Tawwab