Jurm Hain Be Hisab Ya Tawab

جرم ہیں بے حساب یا تواب کھول بخشش کا باب یا تواب

پیاس بجھ جائے کشتِ باطن کی بھیج ایسا سحاب یا تواب

بخش تسکین قلب کو میرے دور ہو اضطراب یا تواب

No Internet? No Problem! Get the App for Offline Lyrics!

سن صدا "رَبَّنَا ظَلَمْنَا" کی بخش بے احتساب یا تواب

آنکھ نم ہے جبیں عرق آلود قلب ہے آب آب یا تواب

تیرے لطف و کرم کے دریا سے میں رہوں فیضیاب یا تواب

میرے عیبوں پہ ڈال دے پردہ ٹال سارے عذاب یا تواب

تیری رحمت بنا بھی دیتی ہے معصیت کو صواب یا تواب

جس کو تو خود سنوارنا چاہے وہ ہو کیسے خراب یا تواب

مجھ کو خوگر بنا اطاعت کا بخش علم الکتاب یا تواب

تو ہے اَرْحَم ترا رسول رحیم ہوگا کس پر عتاب یا تواب؟

دل سے نکلی ہے سوز و درد کے ساتھ ہو دعا مستجاب یا تواب

ظلمت جاں کو نور کر اے نور! ہو حقیقت یہ خواب یا تواب

قرب شہزاد کو نواز اپنا! اب اٹھادے حجاب یا تواب