Jis Kisi Ne Bhi Ki Midhah

Jis kisi ne bhi ki kisi ki madh Asal mein hai woh sab teri hi madh

Ho karam mujh khata-shiar pe bhi Ho qubool ae Khuda Khuda meri bhi madh

Sarsarahat hawaon ki tasbeeh Aur hai khaak ki khamoshi madh

Farsh se arsh tak karoon ne tarah Apne apne tareeq se ki madh

Tu Hameed aap apni zaat mein hai Munfarid har kisi se teri madh

Download Lyrics & Access Offline - Install Our App Now!

Subh-e-kaazib mein kaise shabnam ne Phool ki pattiyon pe likhi madh

Kohsaaron ka raaz yaab sakoot Tere jabroot-o-farr ki thehri madh

Lafz ka zarf kab kare is ki Phaile gehre samundaron se madh

Kis ne ki? Kaun kar sake ga Riaz Jaise Rabb ki Huzoor ﷺ ne ki madh