Ibtida Tu Hai Intiha Tu Hai

ابتدا تو ہے انتہا تو ہے اے کہ خلاقِ دوسرا تو ہے

Why Screenshot When You Can Download? Get the App for Efficient Storage!

سجدہ کرتے ہیں انبیا تجھ کو اے کہ معبودِ مصطفیٰ تو ہے

مصدرِ لطف، بارگاہ تیری مرجعِ آہِ نارسا تو ہے

راحتِ قلب و جاں ہے ذکر ترا منبعِ رحمت و عطا تو ہے

اے غنی! مغنی، اجود الاجواد اپنے ہر وصف میں جدا تو ہے

بخش میرے گناہ اے غفار! غافِرُ الذّنبِ والخطا تو ہے

تیرا ہر چیز پر تصرف ہے کیونکہ ہر چیز کا خدا تو ہے

کیوں نہ شہزاد تیری حمد لکھے خالقِ حسنِ والضحیٰ تو ہے