Har Zamana Hateem Tera

Har zamana Hateem tera hai Naam kitna qadeem tera hai

Aaina tera rang rang ke phool Aks, baad-e-naseem tera hai

Shak se Quran ko jis ne paak kiya Woh Alif Laam Meem tera hai

Azmatein sab tujhe karein sajda Rutba kitna azeem tera hai

Never Be Without Your Favorite Lyrics - Get the App for Offline Access!

Ambiya toh hazarha aaye Ik Muhammad ﷺ nadeem tera hai

Dosti kafiron se hai jis ki Darhaqeeqat ghaneem tera hai

Shukar ada kaun si zabaan se karoon Har karam hi Kareem tera hai