Haq Taala Ki Tasbeeh

Haq Ta'ala ki tasbeeh karte raho Us se darte raho

Zehn mein us ke ahkaam rehte hain Zikr chalta rahe ashk behte raheen Bheegti roshni mein nikharte raho Us se darte raho

Bandagi ka haqeeqat ka imaan ka Ma'rifat ka shariat ka Quran ka Apni tasveer mein rang bharte raho Us se darte raho

Juzv-e-jaan ko agar gul ki hai justaju Saahil-e-rooh ki hai agar aarzu Apni gehraaiyon mein utarte raho Us se darte raho

No Internet? No Problem! Get the App for Offline Lyrics!

Rang hi rang aankhon mein ghul jaayenge Raaz-e-arz-o-sama tum pe khul jaayenge Koocha-e-ishq mein paaon dharte raho Us se darte raho

Ta-ba-ke saath den gi haseen khwahishein Sirf duniya ki khatir ye aaraishein Aakhirat ke liye bhi sanwarte raho Us se darte raho

Lamha lamha kare ga tumhein yaad bhi Zindagi paao ge maut ke baad bhi Us pe mit-te raho us pe marte raho Us se darte raho

Naaz us par agar hai Muzaffar tumhein Us ki rehmat sameete gi barh kar tumhein Toot kar apne andar bikharte raho Us se darte raho