Faza-e-Fikr Par Chhaya, Hua Ghubar Utaar

Faza-e-fikr par chhaya, hua ghubar utaar Riyaz-e-jaan mein mere Rabb nayi bahaar utaar

Ujaal Ka'ba-e-dil ke ghalaf-e-kohna ko Dayar-e-Sarwar-e-Aalam mein ek baar utaar

Nijaat bakhsh mujhe ghair ke talluq se Bahut za'eef hoon sar se mere, yeh baar utaar

Jo tere hukm ko naafiz kare zamane mein Falak se farsh par ab tu woh shahsawar utaar

Offline Lyrics Anytime, Anywhere - Download the App Today!

Nikaal mere rag-o-pay se khwahishat ka mail Ananiyat ka meri aankh se khumaar utaar

Setiza-kaar hai har mauj meri kashti se Hayat-o-maut ke Maalik ise bhi paar utaar

Naye khayal ki Shahzad ko basharat de Dil-e-hazein pe koi harf-e-khushgawar utaar