We've added ads to help keep the platform running and improving for you. Learn More
Faza-e-Fikr Par Chhaya, Hua Ghubar Utaar
Allama Dr. Muhammad Shehzad Mujadadi
فضائے فکر پر چھایا، ہوا غبار اتار ریاضِ جاں میں مرے رب نئی بہار اتار
اُجال کعبہِ دل کے غلافِ کہنہ کو دیارِ سرورِ عالم میں ایک بار اتار
نجات بخش مجھے غیر کے تعلق سے بہت ضعیف ہوں سر سے مرے، یہ بار اتار
Download Lyrics & Access Offline - Install Our App Now!
جو تیرے حکم کو نافذ کرے زمانے میں فلک سے فرش پر اب تو وہ شہسوار اتار
نکال میرے رگ و پے سے خواہشات کا میل انانیت کا مری آنکھ سے خمار اتار
ستیزہ کار ہے ہر موج میری کشتی سے حیات و موت کے مالک اسے بھی پار اتار
نئے خیال کی شہزاد کو بشارت دے دلِ حزیں پہ کوئی حرفِ خوشگوار اتار
