Din Tera Naam Raat Tera Naam

Din tera naam raat tera naam Aitabar-e-hayat tera naam

Zarre zarre mein hai wajood tera Wahdat-e-kainaat tera naam

Kul teri zaat juz-e-zaat meri Main taghayyur, subaat tera naam

No Internet? No Problem! Get the App for Offline Lyrics!

Mere sajde mein tu qayam mein tu Ishq ki kulliyat tera naam

Jab kisi ped par nazar daali Parh liya paat paat tera naam

Tu muallim tamam ismon ka Ma’ni-e-har lughaat tera naam

Tu har insaan ki shah-rag se qareeb Ya’ni har ek ke saath tera naam

Nukhat-e-la-zawaal tera zikr Roshni-e-najaat tera naam

Mere khoon mein hararatein teri Meri tashreeh-e-zaat tera naam

Aur kya chahiye Muzaffar ko Aa gaya uske haath tera naam