Din Tera Naam Raat Tera Naam

دن ترا نام رات تیرا نام اعتبار حیات تیرا نام

ذرے ذرے میں ہے وجود ترا وحدت کائنات تیر ا نام

کل تری ذات جزو ذات مری میں تغیر ٗ ثبات تیرا نام

Offline Lyrics Anytime, Anywhere - Download the App Today!

میرے سجدے میں تو قیام میں تو عشق کی کلیات تیرا نام

جب کسی پیڑ پر نظر ڈالی پڑھ لیا پات پات تیرا نام

تو معلم تمام اسموں کا معنیِ ہر لغات تیرا نام

تو ہر انساں کی شاہ رگ سے قریب یعنی ہر اک کے ساتھ تیرا نام

نکہتِ لازوال تیرا ذکر روشنیِ نجات تیرا نام

میرے خوں میں حرارتیں تیری میری تشریحِ ذات تیرا نام

اور کیا چاہیے مظفر کو آگیا اس کے ہاتھ تیرا نام