Bolta Mein Hun

Bolta main hoon, haqeeqat nazar aaye us ki Pas-e-har aaeena soorat nazar aaye us ki

Har sahar hoti hai us ki hi ijazat se tulu Lamhay lamhay mein sadaqat nazar aaye us ki

Zehan-e-insan ki rasai se bohat bala hai Narasai mein bhi hikmat nazar aaye us ki

Ek ho kar bhi woh maujood har ek rang mein hai Yaani kasrat mein bhi wahdat nazar aaye us ki

Gaur kijay to nikal aatay hain matlab kitnay Zarra zarra mujhay aayat nazar aaye us ki

Har burai pe malamat karay insan ki zameer Dil-e-mujrim bhi adalat nazar aaye us ki

Download Lyrics & Access Offline - Install Our App Now!

Hum khareedar-e-zameen aur woh zameen ka khaliq Hakimon par bhi hukumat nazar aaye us ki

Main hoon zinda to Muzaffar yeh karam hai us ka Meri har saans mein qudrat nazar aaye us ki