Bana Hai Daman e Har Harf

Bana hai daman-e-har harf, kahkashan-e-hamd Zameen-e-lafz pe utra hai aasman-e-hamd

Tamam khalq ne mil kar jo aaj tak ki hai Hai na-tamam si ik sa'i, dar-guman-e-hamd

Hain khaak-basta mere lafz, gung aur hairan Safar mein noor ki raftar se hai shan-e-hamd

Jhukaye rakhiye ga khwab mein bhi, shukr mein sar Hama muyassar-o-imkan hai aastan-e-hamd

Nadamaton ke aseer-e-khayal! tu hi bata Siwaye aajz-e-bayan kya ho armaghan-e-hamd?

No Internet? No Problem! Get the App for Offline Lyrics!

Khajaltion se bhari zindagi! ishara kar Dabez chup ke alawa ho kya zaban-e-hamd?

Shahadat us ki rububiyat aur azmat ki Har ek zarra-e-takhleeq hai nishan-e-hamd

Hazar umr-e-Khizr bhi ada-e-shukr ko kam Kisi bhi taur mukammal na ho bayan-e-hamd

Zameen se aage na pahunchein lughat-haye-bashar Koi bhi dekh nahi paya la-makan-e-hamd

Azal se mahw hain tasbeeh mein sabhi us ki Ik ek zarra-e-khaki hai ik jahan-e-hamd

Durood us pe hama shukr zaat hai jis ki Thi jis Nabi ﷺ ki khamoshi bhi tarjuman-e-hamd

Woh jis se barh ke kisi ne na Rab ki, ki tareef Tha jis Rasool ka ek ek saans jaan-e-hamd

Nazar se door andhere jame khalaon mein Karoon main kahkashaon mein sun azaan-e-hamd

Shumar-o-hadd-e-qayas-o-guman se bahar Mudam phailta barhta hua bayan-e-hamd

Riaz soch yeh, ghirbal-e-lafz ke andar Simat sake ga kabhi bahr-e-bekaran-e-hamd?

Usi radeef-o-qawafi se bahr-e-deegar mein Riaz! aur bhi ho jaye kuch bayan-e-hamd