Badal Ko Shabnam Kiya Samjhe

Badal ko shabnam kya samjhe suraj ko sharara kya jaane Rehman-o-Raheem hai woh kitna, insaan bechara kya jaane

Sab roshniyon ka khaliq woh har maghrib woh har mashriq woh Uske anwar ki wus'at ko ik subah ka tara kya jaane

Jo us se mohabbat karta hai jo us ki ibadat karta hai Jo us se tijarat karta hai nuqsan khasara kya jaane

Izad, arsh-e-Izad hai kahan, unchai ki sarhad hai kahan Gehrai ki masnad hai kahan, yeh baat kinara kya jaane

Why Screenshot When You Can Download? Get the App for Efficient Storage!

Allah ki shaan Muzaffar se kya poochte ho duniya walo Milte hain kahan duniya ke sire shayar-e-awara kya jaane