Aye Raheem o Kareem Aye Sataar

Ae Raheem-o-Kareem Ae Sattar Tu ne bakhsha hai aadmi ko waqar

Get Lyrics On-The-Go! Download Our App Now!

Fazl darkaar hai gunahon ko Ae Haleem-o-Wakeel Ae Ghaffar

Baat banti hai teri rehmat se Ae Shaheed-o-Hameed Ae Mukhtar

Bhar de Maula sana ke phoolon se Mere fikr-o-shaoor ka gulzaar

Aasman-o-zameen yeh shams-o-qamar Teri sanat-gari ka hain izhaar

Saj ke aaye rukh-e-risalat par Teri tauheed ke haseen anwaar

Teri tasbeeh mujh se ho na saki Hai mere lab pe aajz ka iqraar

Jo hua mujh se main ne kar dekha Mere halaat ko ab aap sanwaar

Nafs ke shar se mujh ko rakh mehfooz Bhoot khwahish ka mere sar se utaar

Hamd Shahzad se ho kya teri Tu hai be-aib aur main be-kaar