Aye Charah Gar e Shouq
Shaykh ul Islam Dr. Muhammad Tahir ul Qadri
Ae charah-gar-e-shauq koi aisi dawa de Jo dil se har ek ghair ki chahat ko bhula de
Bas dekh liya duniya ke rishton ka tamasha Makhlooq se umeed ke sab deep bujha de
Pakeeza tamannaen bhi lati hain udasi Har zauq-e-talab, zauq-e-tamanna mita de
Kyun nek gumanon ke saharay pe jiye hai In saray fareebon ko sarabon ko hata de
Dekhay ya na dekhay yeh toh mehboob ka haq hai Tu aah-o-fughan kar na hi ghairon ka gila de
De lazzat-e-deedar ki behoshi mein woh hosh Jo hasti ki tareef-o-taayyun ganwa de
Nasoot-o-malakoot-o-jabroot ke ahwaal Lahooti-o-hahooti dawaair mein mila de
Ek main hoon faqat tu ho aalam-e-hoo ho Ae husn-e-azal saray hijabaat utha de
Har fa'l sifat zaat se yun mujh ko fana kar Koi mujhe jaanay na koi mujh ko sada de
Main khud ko bhi khud apnay se phir dhoond na paaun Yun aatish-e-sozan se meri raakh jala de
Anwar-o-ma'ani tabai' se juda kar Ab aalam-e-wahidaat mein gum-gashta bana de
No More Screenshots! Save Storage with Our Lyrics App!
Hoon teray hijabaat ki dehleez pe kab se Ek baar zara dekh le ek pardah hata de
Hai rooh ko har lamha teray wasl ki umeed Aa zeest ki shab ko tu kabhi subah bana de
© 2026 Midhah Lyrics. All rights reserved
