Rukh Se Kakal Hata Diya

رُخ سے کاکَل ہٹا دیا تونے سب کو بے خود بنا دیا تونے

شب کو ملنے کی دے کے اِک امید سب کو شب ساری جگا دیا تو نے

رُخ زیبا کی اک جھلک سے حبیب رات کو دن بنا دیا تونے

کوئی ارمان اب نہیں باقی خاک میں سب ملا دیا تونے

نہ رہی کچھ خبر سر و پا کی جام ایسا پلا دیا تونے

میری باتوں پہ لوگ ہنستے ہیں کیا تماشا بنا دیا تونے

تاقیامت کبھی نہ اچھا ہو روگ ایسا لگا دیا تونے

کوئی آواز اب نہیں بھاتی راگ ایسا سُنا دیا تونے

اپنے چہرے ایک درشن میں مجھ کو کیا کیا دیکھا دیا تونے

کچھ نہیں یاد اب تو عَرَبی کو یاد جو تھا بھلا دیا تونے