Allah Koi Hajj Ka Sabab
Muhammad Ilyas Atar Qadri
Allah! koi Hajj ka sabab ab toh bana de Jalwa mujhe phir Gumbad-e-Khazra ka dikha de
Gham aisa Madine ka ata karde Elahi Khushiyon ke gulistan ko jo mere jala de
Ya Rab! main tere khauf se rota rahoon har dam Deewana Shahenshah-e-Madinah ka bana de
Jab naat sunoon jhoom uthoon ishq-e-Nabi mein Aisa mujhe mastana Muhammad ka bana de
Sadqe mein mere Ghous ke tu khwab mein Ya Rab Jalwa mujhe Sultan-e-Madinah ka dikha de
Sakrat mein gar ruye Muhammad pe nazar ho Har maut ka jhatka bhi mujhe phir toh maza de
Jab hashr mein Aqa nazar aayen mujhe ae kaash Besaakhta qadmon mein mera shauq gira de
Offline Lyrics Anytime, Anywhere - Download the App Today!
Uff hashr ki garmi bhi hai aur pyas bala ki Ae Saqi-e-Kausar mujhe ik jaam pila de
Har waqt jahan se ke unhein dekh sakoon main Jannat mein mujhe aisi jagah pyare Khuda de
Allah! mujhe soz-o-gudaz aisa ata kar Tarpa de bayan naat-e-Nabi mujhko rula de
Tu peeche na hatna kabhi ae pyare muballigh Shaitan ke har waar ko nakaam bana de
Attar hoon main unka gada ab toh tawajjuh Bas janib-e-Shahan-e-Jahan meri bula de
© 2026 Midhah Lyrics. All rights reserved
