We've added ads to help keep the platform running and improving for you.

Allah Koi Hajj Ka Sabab

اللہ! کوئی حج کا سبب اب تو بنا دے جلوہ مجھے پھر گنبدِ خَضرا کا دکھا دے



غم ایسا مدینے کا عطا کردے الٰہی خوشیوں کے گلستان کو جو میرے جلا دے



یارب! میں ترے خوف سے روتا رہوں ہر دم دیوانہ شَہَنشاہِ مدینہ کا بنا دے



جب نعت سُنوں جھوم اٹھوں عشقِ نبی میں ایسا مجھے مستانہ محمد کا بنا دے



صدقے میں مرے غوث کے تُو خواب میں یارب جلوہ مجھے سلطانِ مدینہ کا دکھا دے



سکرات میں گر رُوئے محمد پہ نظر ہو ہر موت کا جھٹکا بھی مجھے پھر تو مزا دے



جب حشر میں آقا نظر آئیں مجھے اے کاش بے ساختہ قدموں میں مرا شوق گرا دے



اُف حشر کی گرمی بھی ہے اور پیاس بَلا کی اے ساقیِ کوثر مجھے اِک جام پلا دے



ہر وقت جہاں سے کہ انہیں دیکھ سکوں میں جنت میں مجھے ایسی جگہ پیارے خدا دے



اللہ! مجھے سوز وگداز ایسا عطا کر تڑپا دے بیاں نعتِ نبی مجھ کو رُلا دے




Get it on Google Play



تو پیچھے نہ ہٹنا کبھی اے پیارے مبلِّغ شیطان کے ہر وار کو ناکام بنا دے



عطارؔ ہُوں میں ان کا گدا اب تو توجُّہ بس جانبِ شاہانِ جہاں میری بلا دے



Get it on Google Play

midhah-logo-grey© 2025 Midhah