Saans Na Lun Darood Bin

Saans na loon durood bin Sall-e-ala Muhammad ﷺ Nama na dekh saans gin Sall-e-ala Muhammad ﷺ

Waris-e-zindagi madad Ro ke hai raah sang had Manzil-e-ishq ta-abad Fursat-e-umar chaar din Sall-e-ala Muhammad ﷺ

Bheer bhi takhliya nasheen Arsh bhi hashiya nasheen Aye mere boriya nasheen Tere ghulam ins-o-jinn Sall-e-ala Muhammad ﷺ

Get Lyrics On-The-Go! Download Our App Now!

Dard bhi is qadar diya Sara wajood bhar diya Ek nazar ne kar diya Dono jahan se mutma'in Sall-e-ala Muhammad ﷺ

Zawiya-e-najat se Jang rahe hayat se Aap ke iltifat se Sehal hon marhale kathan Sall-e-ala Muhammad ﷺ

Naam faqat tera likhoon Aur jagah jagah likhoon Is ke siwa main kya likhoon Parcha-e-dil ke mumtahin Sall-e-ala Muhammad ﷺ