Maani Harf Kun

Ma'ni-e-harf-e-kun Masdar-e-beekh-o-bun Mushaf-e-lam-yazal Pesh-e-lafz-e-azal

No Internet? No Problem! Get the App for Offline Lyrics!

Jumla-e-ikhtitam Tujh par laakhon salam

Fikr kya jo tasawwur ki had mein na aaye Woh Khuda jo girift-e-khirad mein na aaye Us se parda nahin Us ka tu ham-nasheen

Us se tu ham-kalam Tujh pe laakhon salam

Kya ihata karoon main teri zaat ka Tu hai dulha zamane ki baraat ka Matla-e-har tabaq Har sahar ki shafaq

Har sadi ke imam Tujh pe laakhon salam

Gharq teri mohabbat mein jo dil nahin Us ka imaan, imaan-e-kamil nahin Teri chahat ki khair Tujh ko chahe baghair

Mujh pe jeena haram Tujh pe laakhon salam

Hont jab mutasil hon tere ism se Roshni phoot-ti hai mere jism se Yun teri mash'alein Mere andar jalein

Jagmagaun tamam Tujh pe laakhon salam

Saare Quran ko teri gawahi kahoon Ya tujhe hi kitab-e-ilahi kahoon Tu nisab-e-karam Amn tera alam

Adl tera nizam Tujh pe laakhon salam

Jannat-e-fikr mein zehan rehne laga Main ghazal-go teri naat kehne laga Tera ihsan hai Meri pehchan hai

Ab faqat tera naam Tujh pe laakhon salam