Maani Harf Kun

معنی حرف کُن مصدر بیخ و بُن مصحف لم یزل پیش لفظ ازل

جملہ اختتام تجھ پر لاکھوں سلام

فکر کیا جو تصور کی حد میں نہ آئے وہ خدا جو گرفت خرو میں نہ آئے اُس سے پردہ نہیں اُس کا تو ہم نشیں

اُس سے تو ہمکلام تجھ پہ لاکھوں سلام

کیا احاطہ کروں میں تِری ذات کا تو ہے دولھا زمانے کی بارات کا مطلع ہر طبق ہر سحر کی شفق

ہر صدی کے امام تجھ پہ لاکھوں سلام

غرق تیری محبت میں جو دل نہیں اُس کا ایمان، ایمانِ کامل نہیں تیری چاہت کی خیر تجھ کو چاہے بغیر

مجھ پہ جینا حرام تجھ پہ لاکھوں سلام

ہونٹ جب متصل ہوں تِرے اسم سے روشنی پھوٹتی ہے مرے جسم سے یوں تِری مشعلیں میرے اندر جلیں

جگمگاؤں تمام تجھ پہ لاکھوں سلام

سارے قرآن کو تیری گواہی کہوں یا تجھے ہی کتابِ الٰہی کہوں تو نصابِ کرم امن تیرا علم

عدل تیرا نظام تجھ پہ لاکھوں سلام

جنت فکر میں ذہن رہنے لگا میں غزل گو تِری نعت کہنے لگا تیرا اِحسان ہے میری پہچان ہے

اب فقط تیرا نام تجھ پہ لاکھوں سلام