Aye Madine Ke Sheharyaar

Ae Madine ke shahryar salam Ae zamane ke tajdar salam

Why Screenshot When You Can Download? Get the App for Efficient Storage!

Gham ke maron ke gham-gusar salam Ae qarar-e-dil-e-figar salam

Zeeb-e-arsh-e-kardgar salam Farsh ke taj-e-iftikhar salam

Fateh-o-khatam-e-payambari Gulshan-e-dahr ki bahar salam

Lazzat-e-aagah-e-paye-bos-e-habib Ae Madine ke rah-guzar salam

Gumbad-e-sabz rahmat-e-alam Tujh ko kehte hain sabza-zar salam

Ae guzar-gah-e-sarwar-e-alam Chashm-o-sar hon tere nisar salam

Naqsh-e-yad-e-Nabi Khalish se jama Dasht-e-Taiba ke pyare khar salam

Yad hai teri kitni kaif-awar Gham hai farhat se ham-kinar salam