Aye Madine Ke Sheharyaar

اے مدینے کے شہریار سلام اے زمانے کے تاجدار سلام

غم کے ماروں کے غم گسار سلام اے قرارِ دل فگار سلام

زینت عرشِ کردگار سلام فرش کے تاجِ افتخار سلام

فاتح و خاتم پیامبری گلشن دہر کی بہار سلام

لذت آگاہِ پائے بوس حبیب اے مدینے کے رہ گزار سلام

گنبد سبز رحمت عالم تجھ کو کہتے ہیں سبزہ زار سلام

اے گذر گاہِ سرورِ عالم چشم و سر ہوں ترے نثار سلام

نقش یادِ نبی خلش سے جما دشت طیبہ کے پیارے خار سلام

یاد ہے تیری کتنی کیف آور غم ہے فرحت سے ہمکنار سلام