Tu Ne Apna Jalwa Dikhane Ko Jo Naqab Munh Se Utha Diya

تو نے اپنا جلوہ دکھانے کو جو نقاب منہ سے اٹھا دیا ہوئی محو حیرت بے خودی مجھے آئینہ سا بنا دیا

وہ جو نقش پا کی طرح ہی تھی نمود اپنے وجود کی سو کشش سے دامن ناز نے اسے بھی زمیں سے مٹا دیا

کیا ہی چین خواب عدم میں تھا نہ تھا زلف یار کا کچھ خیال سو جگا کے شور ظہور نے مجھے کس بلا میں پھنسا دیا

Your Lyrics, Even Offline - Install the App for Free!

ذرا چھپ نگاہ رقیب سے پڑی اس گلی میں تھی میری خاک تو نے ایک جھونکے میں اے صبا اسے لے وہاں سے اڑا دیا

رگ و پے میں آگ بھڑک اٹھی پھونکے ہے پڑا سبھی تن بدن مجھے ساقیا مئے آتشیں کا یہ جام کیسا پلا دیا

یہ نہال شعلۂ حسن کا تیرا بڑھ کے سر بہ فلک ہوا میری کاہ ہستی سے مشتعل ہوا سے یہ نہ نشوونما دیا

جب ہی جاکے مکتب عشق میں سبق مقام فنا لیا جو لکھا پڑھا تھا نیازؔ نے سو وہ صاف دل سے بھلا دیا