Jo Hain Aashna Sar e Asrar Ke

جو ہیں آشنا سر اسرار کے وہ ہیں یار ہر یار و اغیار کے

اندھیرا اجالا نہاں اور عیاں یہ جلوے ہیں سب جلوۂ یار کے

بہار و خزاں ہم پہ ہے ایکساں کبھی یار گل ہیں کبھی خار کے

Why Screenshot When You Can Download? Get the App for Efficient Storage!

ادھر کی نہیں جانتے رسم و راہ میاں ہم تو باشندے ہیں پار کے

بنا توڑ ہستی کی لے گنج وصل بڑا گنج ہے زیر دیوار کے

کہاں سے کہاں لے کے پہنچا یہ دل ملائک جہاں سے رہے ہار کے

نہیں قیس و فرہاد سا میں نیازؔ کہ ہوں گرد و صحرا و کہسار کے