Aye Dil Kahi Na Jaiyo Zinhar Dekhna

اے دل کہیں نہ جائیو زنہار دیکھنا اپنے ہی بیچ یار کا دیدار دیکھنا

خوبان اس جہاں کا تماشہ جو تو کرے آئینہ دار طلعت دلدار دیکھنا

نیرنگیوں سے یار کی حیراں نہ ہوجیو ہر رنگ میں اسی کو نمودار دیکھنا

No More Screenshots! Save Storage with Our Lyrics App!

اے دل قمار عشق میں ٹک کھیلیو سنبھل بازی نہ دیجو ہار مرے یار دیکھنا

گر نقد جاں طلب کرے وہ شوخ دل ربا انکار واں نہ کیجیو زنہار دیکھنا

ہرگز دوا نہ کیجیو اس غم کی اے نیازؔ سب راحتوں سے غم کو مزیدار دیکھنا